Die Verhaal van Lewe & die Omgewing

<p>Die Verhaal van Lewe & die Omgewing – ’n Afrika-perspektief handel<br>oor die brose wonder van lewe. Dit is ’n viering van die Aarde se ryke,<br>wonderlike verskeidenheid – die spesies, bevolkings, gemeenskappe en<br>ekostelsels wat ons omring – en van die natuur se veerkragtigheid. Dit<br>vertel van die drie hoofekostelsels: varswater, oseane en land, en al die<br>lewe wat hulle in en om Afrika onderhou. Dit bespreek evolusie en die<br>eindeloos vertakkende boom van lewe; hoe stelsels werk, hoe bevolkings<br>toeneem en afneem, en hoe al die elemente van lewe op mekaar inwerk.<br>En dit vertel die verhaal van die oorsprong van die mens in Afrika,<br>en hoe ons tot moderne mense ontwikkel het. Die boek waarsku teen<br>ons menslike invloed op die planeet en die vinnige klimaatsverandering<br>wat dit aanhelp, asook teen massiewe oorbenutting en die uitputting<br>van hulpbronne. Die boek gaan ook oor verantwoordelike beplanning<br>en bestuur van ons omgewing en natuurlike hulpbronne om skade te<br>herstel en volhoubaarheid te verseker. Dit is die verhaal van lewe en die<br>omgewing in Afrika.</p>